தீ

(Mohamed Nizous)

தீ

++

சீதனம் கொண்டு வரா

சிறுக்கி மருமகள்மார்

சாதம் வடிக்கையில்

சமைலறையில் வெடிப்பது.

தீ

+++

நானாமார் செய்கின்ற

நாடறிந்த கடைகளிலே

தானாக பற்றுவது

தலையில் பூ சுற்றுவது.

நெருப்பு

+++++++

சாம்பலான பின்னாலே

சோம்பலோடு ஆராய்ந்து

வீம்பாக அறிக்கை வர

விரக்தி மனதில் பற்றுவது.

தீ

+++

'கண்டி'க்க ஆளில்லா

காவாலிகள் ஒன்று சேர்ந்து

கிண்டி விடும் இனவெறியால்

கிளர்ந்தெழுந்து பற்றுவது.

தீ

+++

ஏழைகளின் வயிற்றில்

எப்போதும் பற்றுவது

கோழைகள் கோபத்தில்

கொழுத்தப் பற்றுவது.

'தீ'ர்க்கப் படாத

'தீ' யோரின் குழுக்களினால்

'தீ'விலே இனவாதம்

'தீ'ராமல் எரிகிறது