துபாயில் நடைபெற்று வரும் ‘குல் ரேசிங் மற்றும் ஆட்டோ மெக்கானிக் துபாய் 2016’ கண்காட்சியில் நிசான் நிறுவனம் புதுமையான கார் ஒன்றை அறிமுகப்படுத்தியுள்ளது.
தங்கத்தினாலான ரேஸ் கார் ஒன்றை நிசான் நிறுவனம் தயாரித்துள்ளது. தங்கத் தகடுகளால் வடிவமைக்கப்பட்ட காரின் மதிப்பு 1 மில்லியன் டொலர் ஆகும்.
நிஸான் நிறுவனத்தின் R35 GT-R மாடல் ரக காரான இது ஒரு பந்தயக்கார் ஆகும்.
இக்காரில் 3.8 லிட்டர் என்ஜின் மற்றும் V6 twin turbo 545 hp என்ஜின் பொருத்தப்பட்டுள்ளது. இதனால் இந்தக் கார் அதிவேகத்தில் செல்லக்கூடிய திறன் படைத்தது.
இதில் ஏரோ டைனமிக் வடிவமைப்போடு 6 ஸ்பீட் டூயல் கிவிட்ச் டிரான்ஸ்மிஷன் வசதி உள்ளது.
இதனால் பந்தயங்களின் போது அதற்கேற்ப வேகத்தை அதிகரிக்கவோ, குறைக்கவோ முடியும்.
இக்கார் பார்வையாளர்கள் அனைவரையும் மிக வெகுவாகக் கவர்ந்துள்ளது.
